Amosando publicacións coa etiqueta inclusion. Amosar todas as publicacións
Amosando publicacións coa etiqueta inclusion. Amosar todas as publicacións

venres, 31 de marzo de 2023

Día Mundial de Concienciación sobre o Autismo

O 2 de abril celébrase o Día Mundial de Concienciación sobre o Autismo, unha data que ten como obxectivo visibilizar ás persoas con trastorno do espectro do autismo (TEA) e promover a súa participación social como cidadáns e cidadás de pleno dereito. 

Abofé a comunidade educativa,  somos un axente clave neste día, pola capacidade que temos para promover entre o noso alumnado actividades que contribúan a visibilizar o TEA e comprender as necesidades e capacidades das persoas con dito trastorno. 

É preciso que traballemos en prol de difundir información sobre en qué consiste o TEA, co gallo de loitar contra os mitos que en numerosas ocasións están asociados a dito trastorno. 

Dende o noso centro, realizamos actividades de sensibilización e preparamos un photocall para realizar fotos, que o vindeiro domingo difundiremos mediante o #ChamémoloPoloSeuNome.


“Temos que aprender a ver o mundo cos ollos dunha persoa con autismo. Cando sexamos capaces de comprender por que a vida resúltalles difícil, poderemos mover obstáculos e desenvolver respecto polos esforzos que fan para sobrevivir entre nós” 

Theo Peeters

luns, 12 de decembro de 2022

Día Internacional dos Dereitos Humanos


Todas as persoas merecemos ser respetadas e valoradas. Independentemente de onde nacemos, o que teñamos e o que creamos ou pensemos. Independentemente de  que camiñemos cas nosas pernas ou nunha cadeira de rodas, ou do noso sexo. Independentemente de a quen elixamos amar, da cor da nosa pel, ou da nosa idade.


O pasado sábado 10 de decembro, conmemorouse o Día Internacional dos Dereitos Humanos; data na que a Asemblea Xeral das Nacións Unidas, en 1948, elabora a Declaración Universal dos Dereitos Humanos, que é un documento histórico que proclama os dereitos que lle corresponden a toda persoa como ser humano. 




Dende o noso cole, e apoiados na recente obra publicada a principios de este ano, por Yayo Herrero e Luis Demano, o alumnado de 3º ESO A reflexionou sobre a importancia dos DEREITOS HUMANOS, guiados pola profesora de Xeografía e Historia, Mº Jesús Corral. 





Alumnos e alumnas visionaron diversos vídeos explicativos dos diferentes dereitos, descubrindo a orixe dos mesmos. Entre outros, descubriron un  dos primeiros intentos por establecer dereitos universais: O Cilindro de Ciro. Alén de, profundizaron no tema a través dunha exposición realizada pola da profesora. 



Coñecer os Dereitos Humanos é un contido transversal e esencial para a nosa educación. Sen dúbida, debemos ter claro que todas as vidas son importantes e merecemos vivilas satisfactoriamente.

sábado, 3 de decembro de 2022

Día Internacional das Persoas con Discapacidade

 Cada 3 de decembro celébrase o Día Mundial das Persoas con Discapacidade, unha iniciativa das Nacións Unidas para concienciarnos sobre necesidade de lograr a igualdade de dereitos e unha inclusión real das persoas con discapacidade.

Por este motivo, o alumnado de primaria asistíu a unha charla impartida por Sara, a nosa PT, sobre a diferencia funcional, as principais barreiras ás que se enfrontan as persoas con diferentes abilidades e como axudar a lograr unha inclusión real.




Tamén participaron en probas físicas que lles axudaron a entender como é o mundo das persoas con diferentes discapacidades.








Por un mundo máis inclusivo e xusto para todos!