Moitas grazas ao profe de música, Rafa, por un inspiradoiro obradoiro no que reflexionamos sobre o poder da música para identificar, expresar e intensificar emocións, algo clave para poder xestionalas de forma eficaz e ser capaces de vivir con máis plenitude.
Velaquí varias imaxes do obradoiro en diferentes niveis da ESO:
¿Dereitos Humanos? Estou segura de que estas acostumado/a
a escoitar falar deles…, pero se tiveras de dicir cales son… probablemente xurdan
dúbidas.
Hoxe, 10 de decembro, conmemórase o Día Internacional dos
Dereitos Humanos; data na que a Asemblea Xeral das Nacións Unidas, en 1948,
elabora a Declaración Universal dos Dereitos Humanos, que é un documento
histórico que proclama os dereitos que lle corresponden a toda persoa como ser
humano. Este documento está dispoñible en máis de 500 linguas, e é o documento máis
traducido en todo o mundo.
Os Dereitos Humanos son universais e inalienables. En
todas partes do mundo, todas as persoas teñen dereito a eles. Ninguén pode
renunciar voluntariamente aos seus dereitos, e ninguén pode arrincarllos a outra
persoa. Tal e como determina o seu primeiro artigo: TODOS OS SERES HUMANOS
NACEN LIBRES E IGUAIS EN DIGNIDADE E DEREITOS E, DOTADOS COMO ESTÁN DE RAZÓN E
CONSCIENCIA, DEBEN COMPORTARSE FRATERNALMENTE UNS CON OUTROS.
Co obxectivo de afondar no tema, e coñecer máis a historia
deste día tan importante para a sociedade, dende o Departamento de Orientación
queremos compartir con vos o seguinte docuvídeo.
Por último e citando a Mahatma Gandhi, recorda....
“NON HAI CAMIÑO DE CARA Á PAZ, A PAZ É O CAMIÑO”
A conmemoración anual do Día Internacional das Persoas con Discapacidade, foi proclamada en 1992 pola Asemblea Xeral das Nacións Unidas.
O obxectivo fundamental da conmemoración é promover os dereitos e o benestar das persoas
con discapacidade en todos os ámbitos da sociedade, así como concienciar sobre
a súa situación na nosa sociedade actual.
Recordemos... a accesibilidade e a inclusión das persoas con discapacidade son dereitos FUNDAMENTAIS.
A continuación compartimos o enlace do vídeo da FUNDACIÓN ONCE "LOS COLORES DE LAS FLORES".
Este vídeo conta a historia de Diego, un neno cego que estuda nun colexio ordinario do seu barrio e que, cada día, ao igual cos seus compañeiros e compañeiras, participa nas clases, deberes e xogos.
Un día, a profesora encarga unha tareda....que Diego supera con esforzo e imaxinación. Unha tarefa que Diego supera, como un alumno mais.
