venres, 25 de novembro de 2022

25 N Día internacional da eliminación da violencia contra a muller

 


Un ano máis, dende o noso colexio, entendemos que hoxe é un día de reflexión e de sensibilización para expresar o rexeitamento máis profundo a todo tipo de violencia contra as mulleres. Sen dúbida, a violencia de xénero é un problema público e social de primeira magnitude, un ataque ao dereito da vida, á integridade física, á liberdade e á non discriminación.


Co impulso da nova Lei Orgánica de Educación (LOMLOE), dende o ámbito educativo destacamos como principios e fins da educación a equidade, igualdade de oportunidades, e  igualdade de dereitos, entre outros;  por suposto ENTRE HOMES E MULLERES.

Non deixes de ver este vídeo e de consultar a web do MINISTERIO DE IGUALDADE, onde atoparás información variada e relevante acerca de esta PROBLEMÁTICA SOCIAL.

Ademais, o alumnado da ESO ven de crear un decálogo para a prevención da violencia de xénero, con pautas para detectar indicios de abuso e maltrato, así como recomendacións para poder combatilo desde o minuto un. Grazas a tod@s!










venres, 21 de outubro de 2022

Día da Biblioteca

 Estamos desexando que chegue o día 24 de outubro, haberá moitas actividades para todas as etapas e poderás consultalas no blog da biblio!



mércores, 22 de xuño de 2022

GRAZAS E FELIZ VERÁN

 

E  xa chegamos ao final!

E parece que foi onte cando comezamos o curso..., un curso no que a nivel emocional conseguimos moito e aprendimos mais (sí, aínda máis...)!

Dende o Departamento de Orientación queremos darvos as grazas por TODO, a todos e todas os/as integrantes da nosa Comunidade Educativa: familias, profesorado e por suposto alumnado.

Un alumnado que logo dun ano de esforzo, está a conseguir o tan ansiado éxito. Noraboa rapaces e rapazas!

Pero sen dúbida, temos unas especiais palabras para todo ese alumnado que por diversos motivos, tivo algunha relación cas integrantes do Departamento de Orientación.

A todos eles/as GRAZAS:

 

Grazas por ser tan especiais.

Grazas polo esforzo exposto.

Grazas polo cariño amosado.

Grazas pola confianza en nos.

 


OBRA ELABORADA POLO ALUMNADO DE 4º ESO B



Non esquezades...

PODES CHEGAR A ONDE TI QUEIRAS... CONTINÚA ESFORZÁNDOTE!

 

FELIZ VERÁN

 

SARA, NEREA E ANA

martes, 21 de xuño de 2022

PROGRAMA DE MELLORA DA CONVIVENCIA ESCOLAR

CONTINUAMOS!


Esta vez amosamos un dos resultados que emerxe do  Programa de mellora da convivencia escolar que estivemos a desenvolver no presente curso en 5ºEP:

O MURAL DA ÁRBORE DA VIDA.



Durante os últimos meses, ademais de afondar nos estilos de comunicación, abordamos contidos relacionados ca mellora da autoestima e estratexias para a resolución pacífica dos conflitos.

 

 Quinto de primaria, noraboa polo resultado e

Grazas polo esforzo!

 








luns, 20 de xuño de 2022

AGASALLO DO DEPARTAMENTO DE ORIENTACIÓN

 

ESPECIAL? NON SABES CANTO...

 

A todos e todas... ánimo! Un último esforzo!

 

Pero para gañar un chisquiño de motivación, velaí vai un agasallo a algunhas das persoas especiais que estiveron en contacto co noso Departamento ao longo do curso...

 

Grazas








 



 

 

venres, 10 de xuño de 2022

Pola igualdade e contra a violencia de xénero con "El Indulto"

O alumnado de 1º da ESO participou nunha charla obradoiro pola igualdade de xénero enmarcada no proxecto interdisciplinar baseado en "El Indulto", o relato de Emilia Pardo Bazán que lles ficho refexionar sobre a orixe e os factores da violencia de xénero así como estratexias para loitar contra ela. 



No obradoiro abordaron o ciclo da violencia por Leonor Walter e descubriron valiosas fontes de información sobre esta seria problemática.




Non deixes de ver a curtametraxe dos alumnos na que adaptan "El Indulto". Vaise emitir o sábado 11 de xuño ás 14h en Telemiño.

martes, 7 de xuño de 2022

7ª unidade do Plan de Benestar Emocional: Xogos Reunidos

 A menos de 3 semanas de que remate o curso escolar, vimos de pechar o Plan de Benestar Emocional coa 7ª e última unidade didáctica, titulada Xogos Reunidos. Logo de repasar todas as emocións tratadas ao longo do curso, centrámonos na aceptación (das nosas debilidades e fortalezas) e na ilusión, as ganas de potenciar as primeiras e minimizar as últimas a través de proxectos e acción que nos motiven. E todo isto, a través de xogos interactivos creados polo alumnado. Parabéns a todos e esperamos con ilusión o Plan do curso que ven!











martes, 10 de maio de 2022

Participamos no maior estudo sobre o uso de internet entre os/as adolescentes en Galicia

Onte o alumnado da ESO completou un cuestionario que forma parte da investigación levada a cabo por Antonio Rial Boubeta, profesor da Universidade de Santiago de Compostela e coordinador do estudo sobre “Redes Sociais, Videoxogos e Apostas entre os adolescentes galegos”, promovido pola FUNDACIÓN BARRIÉ.

 

Dito estudo aborda unha temática realmente preocupante para todos e  todas. O obxectivo do mesmo é coñecer cales son os hábitos de ocio do/as adolescentes de Galicia en todo o que ten que ver co uso de Internet, as Redes Sociais, videoxogos, apostas e a tecnoloxía en xeral.



Tal e como recolle a web da USC, o traballo estase a realizar dende outubro de 2021 a maio de 2022 entre mais de 10.000 persoas con idades comprendidas entre os 12 e 20 anos que estean cursando estudos de ESO, FP ou Bacharelato en centros públicos, privados ou concertados da comunidade galega. Este é o traballo empírico de maior envergadura realizado en Galicia ata a actualidade sobre este tema.


Antonio Rial, na presentación do estudo, aclarou que a investigación a desenvolver parte da idea de que os videoxogos son a día de hoxe unha canle destacada de ocio e entretemento de boa parte das persoas en idade adolescente galegas e españolas. Trátase de achegar datos que axuden a mobilizar as institucións, comezando polas propias familias, para velar polo seu uso saudable e responsable. 

“O xogo constitúe, sen lugar a dúbidas, unha das ferramentas máis potentes de aprendizaxe e desenvolvemento persoal das que dispón o ser humano. Pero non é menos certo que un uso intensivo de determinado tipo de videoxogos, a determinadas idades, con determinados contidos e sen a debida supervisión parental, pode ter serias implicacións tanto a nivel de saúde, como de convivencia”.