Círculo de Autocoñecemento en 3º de Educación Primaria

 

    Hoxe realizamos un círculo restaurativo de autocoñecemento, unha actividade deseñada para promover a reflexión persoal, o respecto e a empatía entre os alumnos de 3º de educación primaria. A través de preguntas guiadas, alumnos e alumnas compartiron os seus pensamentos, sentimentos e experiencias. Esta práctica é fundamental non só para fomentar a convivencia e a comunicación efectiva no ámbito escolar, senón tamén para afondar no autocoñecemento de cada neno e nena.

    O autocoñecemento é unha peza clave no desenvolvemento integral do alumnado, xa que lles permite identificar e comprender as súas propias emocións, fortalezas e áreas de mellora. Traballar neste aspecto é esencial para promover o benestar persoal dos estudantes, dotándoos de ferramentas para xestionar o estrés, mellorar a autoestima e establecer relacións saudables con outros. Ao profundizar no autocoñecemento, tamén favorecemos a creación dun entorno educativo máis inclusivo e respectuoso, onde cada estudante se sinte valorado e comprendido.

    A través círculo restaurativo, promovemos un espazo seguro onde os nenos e nenas poden expresarse libremente e escoitar activamente aos seus compañeiros, reforzando así habilidades sociais e emocionais que son vitais para o seu desenvolvemento presente e futuro.