SENSIBILIZANDO SOBRE O ACOSO ESCOLAR

 O pasado luns no noso centro educativo, realizouse unha actividade de sensibilización sobre o acoso escolar dirixida ao alumnado de 1º ESO, co obxectivo de promover a reflexión e a prevención desta problemática. A actividade estivo integrada no programa KTORCE 18 e foi conducida por Belén, educadora social da Asociación Arela.

O programa KTORCE 18 ten como eixo principal informar e concienciar á mocidade sobre a Lei do Menor e as responsabilidades legais que conleva o comportamento individual, buscando así fomentar actitudes responsables e respectuosas. Durante a sesión, os estudantes de 1º ESO participaron en dinámicas participativas que os axudaron a identificar situacións de acoso escolar, comprender as súas consecuencias e reflexionar sobre a importancia da empatía e o respecto nos seus actos cotiás.

Ademais, o obradoiro incluíu o análise de casos reais, permitindo que o alumnado relacionase os conceptos tratados coas súas experiencias diarias, xerando debates enriquecedores sobre como recoñecer e actuar fronte ao acoso escolar.

Este tipo de iniciativas son cruciais para fomentar unha convivencia escolar positiva e para dotar aos estudantes de ferramentas que lles permitan previr, identificar e abordar situacións de acoso. Como comunidade educativa, seguimos comprometidos en crear un ambiente seguro e saudable para todos os nosos alumnos e alumnas.