O PROGRAMA VIXÍA CONTINÚA: AS TIC E OS RISCOS ASOCIADOS

 

O pasado xoves 23 de febreiro o alumnado de 6ºEP desfrutou da visita de Cristina, especialista do Programa Vixía do Concello de Ourense, que nos explicou dunha maneira moi dinámica os riscos asociados ao uso das TIC.

A charla ofreceu ao noso alumnado información sobre os diferentes perigos que podemos atopar en Internet e nas Redes Sociais, así como aspectos relevantes sobre o ciberbullying e tips para mellorar a nosa privacidade, tendo en conta a información persoal que moitas veces compartimos  en Internet.

Debemos ter en conta que as Redes Sociais forman parte do día a día dos adolescentes, porén en moitos casos o seu uso implica unha intensidade que pode chegar a xerar interferencias serias en relación ao benestar físico e emocional.

Asemade, os riscos asociados non deben obviarse, xa que debemos ter en conta que a prevención é un aspecto fundamental.

Calquera iniciativa, como a  que desfrutamos o xoves, é realmente necesaria para dotar a alumnas e alumnos de información relevante para a abordaxe desta problemática.

ORIENTACIÓN ACADÉMICO-PROFESIONAL: A FORMACIÓN PROFESIONAL

 

De novo, seguindo co establecido no anterior post, debemos abordar outra vía existente no noso sistema educativo:  A FORMACIÓN PROFESIONAL

O obxectivo da FP e adecuar as ensinanzas ás novas demandas do Mercado Laboral, tendo en conta os avances da sociedade, a inclusión das TIC,  a globalización de Mercados e as esixencias da Unión Europea. Así, a FP supón un conxunto de accións formativas que capacitan para o desempeño cualificado das profesións, o acceso ao emprego e a participación activa na vida social, cultural e económica. 

Tal e como desgranamos nas charlas realizadas, no actual curso 2022-2023 temos 23 familias profesionais de FP, que poderedes consultar no seguinte enlace:

OFERTA FP GALICIA

Ademais, poderedes profundizar máis en cada un dos CICLOS FORMATIVOS de FP, a través da páxina oficial da Consellería:

FP XUNTA

Por último, co gallo de analizar dunha maneira máis visual as opcións que oferta a FP, propoñemos que revisedes o....

 canle de Youtube de FPGALICIA

Para calquera dúbida, estamos a vosa disposición no Departamento de Orientación.

ORIENTACIÓN ACADÉMICO-PROFESIONAL: O BACHARELATO

 

Durante o mes de xaneiro, dende o Departamento de Orientación realizamos varias charlas co obxectivo de  favorecer o proceso de TOMA DE DECISIÓNS de cara a finalización da etapa da ESO.

Tomar decisións supón un proceso necesario que nos permite chegar a un fin satisfactorio. Trátase dun proceso continuo de carácter cognitivo e emocional, a través do cal chegamos a tomar unha DECISIÓN, sendo esta una elección consciente e reflexiva entre varias alternativas. 

Por este motivo, consideramos necesario proporcionar información relativa ás diferentes traxectorias académicas que ofrece o noso sistema educativo, especificando a oferta educativa da nosa cidade, provincia e comunidade autónoma.

Neste senso, e en primeiro lugar, afondaremos nunha das opcións que temos ao finalizar a ESO: O BACHARELATO. 

Esta etapa, pertence a ensinanza postobrigatoria, cuxo obxectivo é proporcionar formación, madureza intelectual e humana, coñecemento, habilidades e actitudes que permitan desenvolver funcións sociais e incorporarse á vida con responsabilidade e aptitude. Alén de, esta etapa deberá permitir a adquisición e o logro das competencias indispensables para o futuro formativo e profesional, e capacitar para a educación superior. 

Tras rematar esta etapa, e trala proba da ABAU poderemos ter acceso á UNIVERSIDADE; ou ben, a un CICLO FORMATIVO DE GRAO SUPERIOR.

Coa actual reforma educativa, o Bacharelato esta a mudar, atopando novas modalidades:

Co gallo de ofrecer máis información sobre as modalidades e as asignaturas que as compoñen, recuperamos información do Blogue de Orientación Educativa de Mónica Diz (referente na nosa comunidade), onde podemos visualizar as materias comúns, de modalidade, de opción e optativas na nosa comunidade autónoma:

ITINERARIOS BACHARELATO

Abofé, tamén deixamos toda a información aportada dende a páxina da Consellería:

BACHARELATO GALICIA

Ánimo, é un proceso de reflexión sosegada. 

E recordade que dende o Departamento de Orientación, quedamos a vosa disposición para calquera dúbida.

Programa Vixía do Concello de Ourense

 O presente curso, o noso colexio participa no Programa “Vixía” de prevención e promoción da saúde, promovido polo Concello de Ourense, que pretende evitar o desenvolvemento e a consolidación de consumos problemáticos e adiccións. 

Este luns comezábamos as charlas programadas, da man de Marisol (nutricionista) co alumnado de 3ºESO. Abordamos aspectos relacionados cos trastornos alimentarios e da inxesta de alimentos. Profundizamos nos tipos de trastornos, os danos que conlevan a nivel físico e psicolóxico e cales son as causas dos mesmos.

      Por outra banda, o xoves o alumnado de 4ºESO contou coa presenza de Félix (Educador Social) co que coñecimos aspectos moi relevantes e necesarios das Habilidades Sociais e a súa relación coa prevención da violencia en todos os seus ámbitos. Asemade, profundizamos sobre os diferentes estilos de comunicación e en especial...sobre a ASERTIVIDADE!

    Foi un pracer escoitar a estes grandes relatores, que aportaron información moi necesaria para visualizar, dende un prisma PREVENTIVO, diferentes problemáticas relavantes para mozos e mozas.

Taller de educación emocional en 5º de primaria

 La clase de 5º de primaria ha participado en un taller de educación emocional conducido por uno de sus alumnos, Aitor, que ha explicado a sus compañer@s cómo gestionar emociones como la ira a través de las llamadas “botellas de la calma”, cuyo funcionamiento ayuda a entender todo lo que pasa en nuestra mente cuando pasamos de un estado de enfado a la calma. ¡Muchas gracias, Aitor! ¡Nos ha encantado!

24 de xaneiro: Día Mundial da Educación

Cada 24 de xaneiro conmemórase o Día Mundial da Educación, unha data para recordar a importancia do acceso á educación na construción da paz e do desenvolvemento persoal e social. No colexio celebramos esta data con actividades que xiraron en torno ao lema "Todos somos pezas clave na educación".

Logo de ver e analizar "The Easy Life", un inspirador corto sobre o papel que desempeñan todos os axentes da comunidade educativa, o alumnado púxose mans a obra para crear este quebracabezas colectivo con citas memorables que xa podedes ver no vestíbulo.

Parabéns a tod@s!

Día Internacional dos Dereitos Humanos

Todas as persoas merecemos ser respetadas e valoradas. Independentemente de onde nacemos, o que teñamos e o que creamos ou pensemos. Independentemente de  que camiñemos cas nosas pernas ou nunha cadeira de rodas, ou do noso sexo. Independentemente de a quen elixamos amar, da cor da nosa pel, ou da nosa idade.

O pasado sábado 10 de decembro, conmemorouse o Día Internacional dos Dereitos Humanos; data na que a Asemblea Xeral das Nacións Unidas, en 1948, elabora a Declaración Universal dos Dereitos Humanos, que é un documento histórico que proclama os dereitos que lle corresponden a toda persoa como ser humano. 

Dende o noso cole, e apoiados na recente obra publicada a principios de este ano, por Yayo Herrero e Luis Demano, o alumnado de 3º ESO A reflexionou sobre a importancia dos DEREITOS HUMANOS, guiados pola profesora de Xeografía e Historia, Mº Jesús Corral. 

Alumnos e alumnas visionaron diversos vídeos explicativos dos diferentes dereitos, descubrindo a orixe dos mesmos. Entre outros, descubriron un  dos primeiros intentos por establecer dereitos universais: O Cilindro de Ciro. Alén de, profundizaron no tema a través dunha exposición realizada pola da profesora. 

Coñecer os Dereitos Humanos é un contido transversal e esencial para a nosa educación. Sen dúbida, debemos ter claro que todas as vidas son importantes e merecemos vivilas satisfactoriamente.