luns, 24 de xaneiro de 2022

Día Mundial da Educación

Como xa adiantamos en anteriores entradas, hoxe celebramos no colexio o DÍA DA EDUCACIÓN.

Levamos días preparando actividades para reflexionar sobre a Educación. E ti...Algunha vez reflexionaches acerca de que é realmente a EDUCACIÓN? Sarramona, no ano 2000, escribiu que sen EDUCACIÓN non existe posibilidade de ser persoa, no sentido pleno da palabra.

A EDUCACIÓN é un dereito recollido no artigo 26 da Declaración Universal dos Dereitos Humanos (1948), onde se determina que ten por obxecto o pleno desenvolvemento da personalidade e o fortalecemento do respecto aos dereitos humanos e as liberdades fundamentais.

Ten dúas dimensións básicas e ineludibles: a dimensión transformadora e a integral. É dicir, a educación permítenos cambiar a realidade e utilizala como ferramenta para a formación, tanto persoal, académica e social.

En definitiva, debemos entendela como unha forma de aproveitamento durante toda a nosa vida, que nos ofrece unha actualización e enriquecemento constante, permitíndonos a adaptación a un mundo que está en constante cambio.

Como mencionamos, as últimas semanas, no CPR PLURILINGÜE PADRE FEIJOO ZORELLE, reflexionamos en que é a EDUCACIÓN e como se vive esta noutros países. Nesta liña, o alumnado de Primaria visualizou o documental “Camino a la escuela”, que narra as dificultades de catro rapaces en diferentes países para chegar á escola. Todos estes rapaces amosan un esforzo persoal increíble para poder realizar un dereito tan evidente como negado a miles de nenos e nenas.

Para rematar, compartimos un vídeo realizado polo Departamento de Orientación, onde podemos desfrutar de todas as actividades realizadas nos últimos días polo alumnado do cole, e  que culminou ca montaxe do mural na entrada do noso centro.

Feliz día da EDUCACIÓN  a todos e a todas!

domingo, 23 de xaneiro de 2022

Día Mundial da Educación (IV): César Bona

 A aportación do alumnado de 1º ESO-B ao Día da Educación céntrase na figura dun docente inspirador, César Bona.


César Bona (1972) é un profesor de educación primaria que transformou a súa aula nun centro de Zaragoza nun exemplo de renovación pedagóxica no que o alumnado foi protagonista activo do proceso de aprendizaxe a través da experimientación, a reflexión crítica, o diálogo e a reflexión conxunta. Autor de “A nova educación. Os retos e desafíos dun mestre de hoxe” e “As escolas que cambian o mundo”, César Bona aboga por unha escola innovadora que humanice a educación.



Para saber máis, fai clic nesta ligazón.


sábado, 22 de xaneiro de 2022

Día Mundial da Educación (III). Anne Sullivan

 A clase de 3º B contribuíu ao Día da Educación explorando o legado dunha mestra excepcional, Anne Sullivan.

Anne Sullivan (1866-1936) foi unha educadora estadounidense que dedicou a maior parte da súa vida a potenciar o talento de Helen Keller, unha nena xorda, cega e muda, que foi quen de convertirse en escritora e conseguir un título universitario.

Grazas á valentía de Anne Sullivan,, a súa paixón polo que facía, a súa vitalidade, as súas ganas de aprender, o seu talento, e a súa xenerosidade, Helen Keller foi quen desenvolver a súa carreira profesional como prestixiosa escritora e como activista política en defensa das persoas vulnerables e da paz no mundo. Todo un exemplo inspirador!

Para saber máis, fai clic nesta ligazón.

venres, 21 de xaneiro de 2022

Día Mundial da Educación (II): Concepción Arenal

Con motivo do Día Mundial da Educación, a clase de 3º ESO-A estudou o legado de Concepción Arenal (1820-1893), a intelectual ferrolá que defendeu no século XIX a igualdade entre homes e mulleres e reivindicou o libre acceso á educación.


A súa firme convicción por aprender guiou os seus primeiros anos de vida, aínda cando a súa familia opúñase a que cursara estudos superiores. De feito, a pensadora galega asistíu a clases na universidade vestida de home!

Ao longo da súa vida, Concepción Arenal escribiu varias obras nas que defendeu que as mulleres puidesen dedicarse a profesións que ata entón lles estaban vetadas. No seu ensaio A educación da Muller escribiu: "É un erro grave e dos máis perxudiciais, inculcar á muller que a súa misión única é a de esposa e nai [...]. O primeiro que necesita a muller é afirmar a súa personalidade, independientemente do seu estado, e persuadirse de que, solteira, casada ou viuda, ten dereitos que cumprir, dereitos que reclamar, dignidade que non depende de ninguén".


Para saber máis, fai clic nesta ligazón.



xoves, 20 de xaneiro de 2022

Día Mundial da Educación (I) : John Dewey

 O vindeiro luns, 24 de xaneiro, celébrase o Día Mundial da Educación. Por este motivo, o alumnado de primaria e da ESO ven de pór en marcha un proxecto coordinado polo departamento de Orientación e que conta co apoio dos titores de cada grupo. Ao longo dunha semana, explorarán o legado dun bo número de pedagogos, filósofos e psicólogos que ao longo da historia contribuíron ao progreso das Ciencias da Educación e, polo tanto, da educación como tal.


Como adianto, velaquí o traballo da clase de 4º de ESO-A, que versa sobre John Dewey, pedagogo estadounidense que se considera a figura máis representativa da aprendizaxe experiencial e da necesidade de fomentar o pensamento crítico.










Estade atent@s!

martes, 18 de xaneiro de 2022

A curtameraxe "Cuerdas" para comprender a inclusión

 Esta semana o alumnado de primaria e ESO comezou a traballar coa 4ª unidade do noso Plan de Benestar Emocional na que achéganse ao concepto de inclusión a través dunha premiada curtametraxe: "Cuerdas", que podedes ver a continuación:


Velaquí as primeiras impresións, esta vez do alumnado de 4º de ESO -A, que as comparten neste vídeo:


Grazas chic@s!

martes, 11 de xaneiro de 2022

O Poder da Música en primaria

O alumnado de primaria xunto coa súa profe maría José Novo tamén levou a cabo “O poder da música”, a 3ª das unidades didácticas do noso Plan de Benestar Emocional. A través de escoita activa, pintaron a música, identificaron os sentimentos que transmite, elaboraron listas de reproducción para cada emoción, creando o seu emocionario musical. Aquí podedes ver o resultado:









Para saber máis, visita o blog de música.